Bonjbauq siusik (gicej Cinz Yajniz) 8 nyied 20 hauh banhaemh, sei diuqfoux ciengqgo vehdat Boux- cuengh 《Byaraiz》daiqbiuj Guengjsae camgya gaiq daihhaj saujsu minzcuz vwnzyi comzyienj haenx youq Baek- ging Baujli Heiqyienh yienjok. Guekgya Minzveij fucujyin Loz Liz- mingz caeuq gyoengq bouxyawj soujduh daih’iek cien boux vunz itheij yawjngonz yienjok. Swcigih Minzveij cujyin Luz Yenbenj、 Swcigih Vwnzvadingh dinghcangj Vangz Yij daengj bouxdaeuz buenx yawj.

《Byaraiz》 youq gyang sing fwengaeuq haprwenz hainduj. Fwj- haemh ciuq dwk raemx Dahcojgyangh sawdikdik ronghliklik, boux cangh- dwkbya Bouxcuengh ndeu vad ruz youz gyang dah, fwenbya haprwenz, sing hemqheuh ndeu daj gizgyae cienz daeuj, hemq singj boux vunz henj- nding cien bi gaxgonq couh gaekveh youq bangxdat Byaraiz haenx, vunz- ciuhgonq caeuq vunzdaihneix caemh foux……aen nyenz、 aen domq、 ndaundeiq、goepgvej、 man daengj vwnzva fuzhau gig miz Bouxcuengh daegdingh yiyi haenx giujmiuq gyoebbaenz, yungzhaeuj gyang diuq- foux caeuq daegsaek ciengqgo, gig miz faihdauh minzcuz Bouxcuengh daeg- bied ronghsien. 《Fwengaeuq Loegvet》《Laj Daengngoenz》《Gwnz Rongh- ndwen》《Gyang Ndaundeiq》《Gyang Byadah》《Fwenmoq Loegvet》fuk veh gyaeundei neix, baijyienj le cojcoeng Bouxcuengh youq gaiq diegnamh neix dajndaem dajciengx、 sengsanj daih- laeng, ciengqyiengj fwendanq seng- mingh Bouxcuengh doxgyaez dox- ndiep、 lwglan daihlaeng mbouj gat mbouj duenh. Yienjok sat le, yienhciengz bouxyawj cungj bek- fwngz haenhndei, haenh 《Byaraiz》 saenqdaenh、gyaeundei, dwg bouh heiqmoeg ceiq ndei saujsu minzcuz nanz ndaej raen, simsiengj giujmiuq、 neihanz fungfouq、 biujyienhlig ak he.

Sei diuqfoux ciengqgo vehdat Bouxcuengh 《Byaraiz》youz Guengj- sae Yenjyi Cizdonz caeuq Guengjsae Gofoux Heiqyienh cauxsij yienjok haenx aeu liuh daj seiqgyaiq vwnzva yizcanj——Guengjsae Dahcojgyangh Vehdat Byaraiz, dwg daizheiq yisuz cozbinj seiqgyaiq bouh daeuz aeu vehdat guh meizgai yienh’ok Boux- cuengh lixyouq hwngfat vwnzmingz cincwngz he. Dangguh cozbinj maenhndei Swcigih Dangjveij Senh- conzbu “baihnamz gyaeundei gojgaeq Guengjsae” baenzdauq cingbinj yisuz daizheiq, aen heiq neix iucingj le buek yisuzgyah ndaw guek okmingz he, comzgiet le Guengjsae bonjdieg bouxbien caeuq bouxyienj maenh- ndei, ginggvaq haujlai bi muzlienh, hawj yisuz de engqgya cingzsug.