Mbanjranz gou gig gyaeundei, hoeng gou roxnyinh ceiq gyaeundei haenx dwg ndoengfaex iq mbanjranz.

Seizcin, ndoengfaex iq ciemhciemh bienq heuoiq lo. Ndaw ndoeng lij miz haujlai doenghduz dem. Gou caeuq gyoengq doih doxcaez bin faex, guhcaemz hoenxciengq, mizyinx dangqmaz!

Seizhah, ndoengfaex iq bienq heu- sau lo. Gofaex maj ndaej mwncupcup, mwhhaenx, gou couh caeuq gyoengq doih guhcaemz doxndoj, caen angq ha!

Seizcou, ndoengfaex iq bienq henj lo. Mbwn bienq liengz lo, gou caeuq gyoengq doih ninz youq gwnz mbawfaex henj loenq roengz haenx, gangj gij saeh mizyinx swhgeij, geijlai cwxcaih ha!

Seizdoeng, ndoengfaex iq bienq hau lo, ngafaex ndoqndatndat. Gou caeuq gyoengq doih doxcaez aeu siet daeuj guhcaemz, angqyangz dohgvaq ngoenz he!

Ndoengfaex iq gyaeundei, gizhaenx dwg giz ceiq gyaeundei mbanjranz gou.

(sam nienzgaep Cau Vwnzyij)