8 nyied 10 hauh banhaemh, “boi minzcuz doxgiet” saujsu minzcuz vwnzyi yienjok youz Liujcouh Si Minzcunghveij cawjbanh, Liujcouh Si Gvangjbo Den- sidaiz ciepbanh haenx, youq Liujcouh Si Gvangjbo Densidaiz banh, 15 aen cezmuz vwnzyi gig miz fungcingz minzcuz daj 6 yienh 4 singzgih senj haenx hwnjdaiz yienjok.

Aen yienh neix vwnzva minzcuz lai yiengh, goekdaej naekna. Fwen Boux- cuengh、 foux Yauzcuz、 ciet Myauzcuz, ndaej haenh baenz gij ceiq ndei minzcuz vwnzva aen si neix. Vwnzva minzcuz fungfouq lai yiengh dwg gijndei youqgaenj gizdieg minzcuz gyavaiq hwngfat, rengzrwd dwk daiqdoengh daengx si saujsu minzcuz caeuq gizdieg saujsu minzcuz ginghci ndawbiengz hwngfat.

Baez neix, banh daengx si saujsu minzcuz vwnzyi comzyienj, doiq cungfaen baijyienj gij cingsaenz yienghsiengq vunz- lai gak cuz daengx si, saenqhwnj cingsaenz minzcuz, demgiengz gij mingzdaeuzgamj caeuq miznajgamj minzcuz, coicaenh gak minzcuz doxgyau、doxgiet caeuq doxhuz doxndei, miz yiyi youqgaenj.

(Yenz Cunzyinh/颜纯欣)