●8 nyied 9 daengz 12 hauh, Ningzmingz Yen bi 2016 hong ciubing cungjgenj cienz- mienh haiguh. Aen yienh neix ciuq gij yenzcwz “gauhdu fucwz、 cizlieng daih’it、 seuq- cingh ciubing”, yiemzgek gij biucinj、cizlieng caeuq cwngzsi ciubing dijgenj, yiemzsouj seuqcingh ciubing “cib diuz gimqlingh”, haenqrengz vih bingdoih soengq lwgbing ndei gaem ndei aen’gvan daih’it.

(Couh Yizgangh Yenz Swyinh)

●Cenzcouh Yen guhhong cingcinj bangrex seiz, cungfaen fatok gijndei daegsaek dang- dieg, gujli vunzlai haenqrengz hwngfat youq gyang nazhaeux ciengx bya, bangcoh boux- guhnaz laisou baenzfouq. Bi- neix, vunzlai dangdieg leih- yungh miuzcaeux、 miuzlaeng song geiq ciengx bya 30 lai fanh moux, gujsuenq cungj- canjlieng daengz 1.5 fanh dun, saedyienh haeuxgwn ngaenz- cienz sueng fungfouq.

(Vangz Swhcang Dangz Gvangjdungh)

●Gaenh geij bi neix daeuj, Lozcwngz Mulaujcuz Swciyen dawz guh ndei faenz- cieng “raemx” cuengq youq diegvih youqgaenj gunghyez hwngfat, gyagiengz baujhoh goekmboq, cingjhab daezswng gij raemxgwn ndei, guh hung guh ak faenzcieng “raemx”, roengzrengz guhbaenz gveihmoz hung、 binjcaet sang、 yauqik sang、 ndaej lienzdaemh dien- yienz raemxgwn raemxmboq bya canjnieb dijhi, dajcaux Cungguek gauhdonh dienyienz raemxmboq bya swnghcanj gihdi.

(Veiz Yuzdai Mungz Cwnghswh)

●Bineix, Cunghsanh Yen gyahung doiq hagseng ranz- gungzhoj lajmbanj bang ngaenz ligdoh, bangcoh ranz aenvih miz vunz hwnjhag ndawranz bienq gungzhoj haenx caenhvaiq saedyienh vut gungz. Daengz seizneix, aen yienh neix bangcoh 769 boux hagseng gungzhoj banh banghag dai- gvanj, soqcienz daengz 494 fanh maenz.

(Yangz Siujfeih Fung Vazlungz)