Gaenh geij bi neix daeuj, youq Ginhsiu Yenveij、 Cwngfuj yawjnaek、 haenqrengz sonyinx bangcoh lajde, aen yienh neix yw Yauzcuz saehnieb hwngfat seiqdaeuz ndei, cingzyauq yienhda.

It dwg aen yienh neix dwg daengx guek baez daihseiq ywdoj bujcaz dinghdiemj danhvei, doihbujcaz youz aen yienh neix Yw Yauzcuz Yenz- giusoj caeuq Guengjsae Cunghyihyoz Dayoz gapbaenz haenx guhsat hong diucaz 2000 lai cungj yw Yauzcuz caeuq hong soucomz gaemhnaenx 2400 lai faenh biubonj; ngeih dwg gaenq guhsat soucomz、 cingjleix danyw、maedfueng yw Yauzcuz ndaw- biengz 5000 lai diuz, soucomz yw Yauzcuz biubonj 2000 lai faenh; sam dwg ciuq gij guhhong dajsuenq Swcigih Dangjveij、 Cwngfuj vatcimh、 cingjleix yw Bouxcuengh yw Yauzcuz haenx, guhsat hong vatcimh、 cingjleix gij gingniemh yw bingh 50 lai boux canghyw Yauzcuz haenx; seiq dwg cujciz biensij le ceksaw 《Yw Yauzcuz Linzcangz Yenfanghciz》《Fwen Ciengx- ndang Gyaeunanz Yw Yauzcuz》《Linzcangz Ciengzyungh Dozbuj Yw Yauzcuz》 daengj; haj dwg aeu 104 cungj yw Yauzcuz ginghdenj Byayauz gagmiz caeuq 14 cungj yw Yauzcuz cungdenj linzcangz sawjyungh haenx liedhaeuj Guengjsae gienj daeuz 《Cizlieng Biucinj Yw Yauzcuz》 mingz- loeg, caemhcaiq okbanj fathengz.

(Loz Cihungz/罗志宏)