●8 nyied 4 hauh, Luzcai Yen Fulenz cujciz yiendaeuz, daiq 12 boux daihhagseng Guengjsae Minzcuz Dayoz gyajseiz- hwngq sam roengz mbanj haenx bae daengz Duzyangz Cunh haiguh fugsaeh gyaranz lwgnyez hozdung. Caeuq 30 lai boux lwgnyez doxgyau guhcaemz, geiz- gan, gyoengq daihhagseng son’gyauq lwgnyez ancienz cihsiz yaek yungh daengz haenx.

(Lai Genveih)

●Mboengqneix, Denz- yangz Yen Yifung Cin cujciz gunghsangh、 gyaudoeng、 gyauhgingj、 anhgenh、 cunghci daengj gvendaengz ciznwngz bumwnz, lienzhab doiq gaihaw guenjleix haenx luenh baij gai doxgaiq guh cingjceih, hawj hawciengz miz bouhloh haiguh caeuq cienzmienh baizcawz gak cungj gyaudoeng ancienz vwndiz aenvih ciemq roenloh baij gai doxgaiq fatseng haenx.

(Vangz Gozsun)

●Bineix, Sanhgyangh Dungcuz Swciyen daj bi 2016 ngaenzcienz cien- hangh bangrex haenx anbaiz 200 fanh hwngfat “byasang bya haeux” “byasang haeux bya”, doenggvaq dauqfuk “bya haeux caemh seng” conzdungj dajndaem vunq- sik, saedyienh swnghdai yauqik caeuq ginghci yauqik, baenz diuz roenloh moq vunzlai dangdieg laisou baenzfouq.

(Vuz Lenyinh)

●8 nyied 4 hauh, Hocouh Si gaiq daihseiq yindungvei nem gaiq daih- ngeih daengxcungq bek- singq lienhndang yin- dungvei cuj bouxcoz nyez- rauh lanzgiuz doxdax youq Cunghsanh Yen hai, 12 aen doihdaiqbiuj sai mbwk daj daengx si sam yienh song gih daeuj haenx, gungh 134 boux yindungyenz camgya doxdax.

(Yangz Siujfeih Lij Dwzgoh)