Bineix doxdaeuj, Lozyez Yen hop- heux gij hwngfat leixniemh “cauxmoq、 boiqhab、 saekloeg、 hailangh、 caez- yiengj”, ndaetndi gaemdawz seizndei hwnjguh diegguhyiengh haedsim daeg- saek nungzyez daihneix, gyavaiq doicaenh daegsaek nungzyez daihneix hwngfat.

Ciuq dieg bae guh, doedok hwngfat cungdenj. Cungfaen leihyungh gijndei swnghdai swhyenz caeuq deihvih deihleix, caenh’itbouh cingj- hab ngaenzcienz hanghmoeg, haenq- rengz doicaenh hwnjguh diegguhyiengh haedsim daegsaek nungzyez daihneix, doedok gaem ndei daegsaek canjnieb “mak ndei、 byaek youjgih、 dajciengx swnghdai”, yinxhaeuj giyez youqgaenj, hwngfat gyagoeng doxgaiq reihnaz, doidoengh daegsaek doxgaiq daezsang binjciz demhwnj yauqik caeuq boux- guhnaz laisou.

Saedhengz nungzyez lijyouz giet- hab, cienzmienh gya’gvangq lijyouzyez dohgvangq caeuq dohlaeg. Gaenxmaenx doicaenh nungzyez+, giethab hong hwngfat daegsaek nungzyez、hwnjguh swnghdai lajmbanj daengj, damqra gij canjniebvaq hwngfat vunqsik “nungzyez yauliz sang+lajmbanj gyaeundei+lijyouz youqndwi”, aeu Dungzloz Cin Luzveiz Cunh dangguh mbanjguhyiengh lijyouz bangrex daeuj dajcaux, gaenxmaenx doicaenh hwnjguh cib leix rumzcin suen mbaet makit、 dieg makmizhouzdauz、 lajmbanj lijyouz diegninz Niuzbingz daengj dieg lijyouz nungzyez daejniemh nungzyez yawjngonz gingjsaek.

Giengzvaq gohgi cengjdingj, doidoengh daegsaek doxgaiq reihnaz daezsang binjciz swnggaep. Yinxhaeuj 10 cungj haeuxnaz moq guh baenz benq doiqbeij saedniemh, lawhmoq haeuxnaz binjcungj. Doengzseiz, doeng- gvaq gungganq “vangjdoxlienz+” nungzyez daihneix gunghcwngz, damqra laeb diegguhyiengh ndaem daegsaek byaekmak, dwk ndei Lozyez “aenmbanj seiqgyaiq gyaeunanz” ciengxndang doxgaiq reihnaz binjbaiz.

Giengzvaq sonyinx beizyin, nyinh- caen hengzguh gihcwngz nungzgi doigvangq bangbouj hanghmoeg. Hop- heux vut gungz gung hoj canloz muzbyauh, byaij haeuj suenmak ndaw reih ndaw naz, haiguh makgam diengz、fuengz non bingh、 hoh va hoh mak daengj haedsim gisuz sonyinx beizyin. Doengzseiz, gaenxmaenx doicaenh nungzyez gohgi saedniemh diegguhyiengh hwnjguh, youq daengx yienh senj gungganq 176 aen ranzguhyiengh nungzyez gohgi cungdenj sonyinx beizyin, aeu diemj daiq mienh daezsang bouxguhnaz suciz.

(Cinz Lanzyen/陈兰艳)