Roengzdangz le, gyoengq doengzhag youq ndaw hagdangz hozdung, gyoengqde miz mbangj guh vut bausa, miz mbangj guh meuz gaeb nou, miz mbangj guh duzyiuh gaeb gaeqlwg, lij miz mbangj dwkgiuz. Gou gyaez guh duzyiuh gaeb gaeqlwg. Siujmingz dang duzyiuh, gou dang gaeqmeh, gyoengq doengzhag wnq dang gaeqlwg. Gaeqlwg beng geubuh riengz youq baihlaeng gou baenz baiz he, Siujmingz youq baihnaj gou yaep he buet gvaq baihgvaz, yaep he buet gvaq baihswix, siengj banhfap gaeb gaeqlwg, gou iet song gen buekmingh baujhoh gyoengq gaeqlwg, gaeqlwg youq baihlaeng gou ndoj gvaz ndoj swix, lauheiq deng duzyiuh gaeb dawz. Siujyinz ndoj ndaej menh, deng Siujmingz gaeb dawz lo, cijndei doiq okdaeuj, ndwn youq henz yawj. Byawz hix mbouj siengj deng gaeb, couh buekmingh buet. Dou guhcaemz ndaej gig angq. Cungj guhcaemz neix gig mizyinx, daihgya cungj gyaez guh.

(ngeih nienzgaep Lij Gyahyiz)