7 nyied 30 hauh, youq gyaeuj giuzndojfwnz Cwngzyangz Liujcouh Si Sanhgyangh Dungcuz Swciyen Linzhih Cin Mbanjbingznganz, vunzlai daenj buhvaq moqsag gyaeuget angqcoux bouxhek daeuj daengz.

Bineix, aen yienh neix aeu Mbanj- gauhsiu、 Mbanjgauhyouj、 Mbanjbingznganz、 Mbanjgauhding daengj 9 aen mbanjgungzhoj gig miz daegsaek Dungcuz haenx liedhaeuj lijyouz bangrex mbanjguhyiengh, doenggvaq doengjit gveihva、 gaijhwnj ranzyouq beksingq、 hwnjguh diegdingzci lijyouz daengj giekdaej sezsih, aeu doenghgij mbanj neix dajcaux baenz dieg lajmbanj lijyouz gyaeundei, hawj vunzlai caezyiengj gij “hoengzleih” lijyouz ginghci, hawj cingcinj bangrex guh noix ndaej lai. Bineix buenq bi gonq, aen yienh neix saedyienh lijyouz hwngfat cungbyoengq moq; daengx yienh lijyouz vunzsoq daengz 392.75 fanh vunzbaez, lijyouz gwnzbiengz cungjsouhaeuj 23.51 ik maenz, doengzbeij demhwnj 68% caeuq 56%.

(Vuz Lenyinh/吴练勋)