7 nyied 25 hauh, Ginhsiu Yen Donzveij、 Fulenz cujciz doihfugsaeh bouxgagnyienh daih- hagseng cuengqgyaj dauq ranz haenx, bae daengz Ginhsiu Cin Hozbingz Cunh Youwzyenz haiguh “gyajgeiz saekyiengh lai angqyangz majhung” gvansim lwgnyez louz mbanj gagnyienh fugsaeh hozdung, soengq angqyangz caeuq singriu bae hawj 40 boux lwgnyez louz mbanj.

Hozdung seiz, bouxgagnyienh caeuq gyoengq lwgnyez itheij ciengqgo、 vehveh、 guh- caemz, gyoengq bouxgagnyienh caeuq lwgnyez gietroengz le cingzngeih naekna, hawj doenghgij lwgnyez louz mbanj neix roxnyinh daengz gij gvansim gwnzbiengz doiq gyoengqde haenx.

Ciuq cam rox, vih fungfouq saedceij gyajgeiz lwgnyez louz mbanj, gaijgez gij youheiq bohranz ok rog guhhong haenx, aen yienh neix gaenxmaenx lienzhaeh, dap hwnj bingzdaiz, baengh daihhagseng gyajgeiz gwnzbiengz saedguh hozdung, vih lwgnyez louz mbanj son’gyauq gohyoz vwnzva cihsiz, soengq gvansim、 bangcoh caeuq raeuj bae hawj gyoengq lwgnyez louz mbanj.

(Banz Siengzcangh/盘祥章 Liengz Lingzfung/梁玲凤)