Seizcin gipgip muengz- muengz byaij bae lo, daengx dieg dipva hoengzmaeq siengsim ninz youq gwnz dieg, lumj boux yenjyenz youq gwnz daiz byaujyenj sat cezmuz roengz daiz nei, cingq youq mwh bouxyawj satmuengh, lingh boux yenjyenz daenj buhheu byaij hwnj daiz daeuj, sawj bouxyawj youh sim’angq lo! Mwngz yawj gwnz faex lwgmak lumj ribfwngz baenzhaenx hung lo, lumj lwgnyez baenzhaenx dwg- gyaez! Mbawfaex ciemhciemh heu doh daengx gofaex, sien dwg heuoiq, ciepdwk heusau, ciengz fwn he, aeu mbawfaex swiq ndaej engq heu lo, heu ndaej lwenqda!

Geij ngoenz seizgan, daihdeih cungj vuenh hwnj buhheu lo! Dienheiq ciemhciemh ndat lo, mwngz yawj lwgnyez cungj daenj hwnj buhgendinj lo! Yienznaeuz saekmaeq myox lo, hoeng saekheu daj boiqgiek bienqbaenz cawj- giek. Seizcin dwggyaez, seizhah doengzyiengh hawj vunz gyaez de!

Va’ngaeux gyaeundei couh yaek youq seizhah hai lo! Mbawngaeux luenzlu dak dwk va- ngaeux hoengzmaeq, haenx dwg geijlai gyaeundei ha!

Seizhah daeuj lo, gou gyaez seizhah!

(sam nienzgaep Cangh Yigiz)