Bi 2016 Guengjsae bouxcoz nyezrauh doxdax doxbeg 7 nyied 21 daengz 24 hauh youq Lingzyinz Yen banh, daengx gih 14 aen digizsi 17 aen doihdaiqbiuj gungh 401 boux yindungyenz bauqmingz camgya doxdax. Dwg gaiq doxdax doxbeg gveihmoz ceiq hung、 vunzsoq ceiq lai he, doxdax laebmiz bouxsai gujdenjsi、 bouxsai swyouzsi、 bouxmbwk swyouzsi doxbeg. Ciuq cam rox, Baksaek Si Doihdaiqbiuj gungh miz 32 boux yindungyenz camgya doxdax.

(Siuh Fazlingz/肖发凌)