Mboengqneix, Dwzbauj Yen Mbanj- nazleiz aenmbanj miz daegsaek Bouxcuengh haenx banh daegsaek dongfeiz vanjvei, ca mbouj geijlai 1000 boux dangdieg beixnuengx Bouxcuengh daeuj yawjngonz camgya.

Vanjvei hozdung miz yienj ngeihyienz ndokmax、 eu fwen、 cai vahduenz daengj cezmuz ndeiyawj, hawj yienhciengz bouxyawj roxnyinh daengz vwnzva heiqsik lajmbanj Bouxcuengh naekna, doengzseiz hix cungfaen baijyienj le Mbanjnazleiz aenmbanj miz daegsaek Boux- cuengh haenx swnjcienz caeuq baujhoh vwnzva minzcuz aeundaej cingzcik ndei. Gyoengqvunz fwngz yien fwngz humx youq henz dongfeiz riengz go diuq foux, vanjvei nauhyied raixcaix.

Baez hozdung neix mboujdan fungfouq le gij cingsaenz vwnzva saedceij beixnuengx saujsu minzcuz dangdieg, lij gyavaiq le aen yienh neix doidoengh yamqdin daegsaek minzcuz vwnzva lijyouz hwngfat, coicaenh gizdieg minzcuz ginghci gwnzbiengz hwngfat caeuq seveicujyi lajmbanj moq hwnjguh.

(Nungz Yungjfang/农永放)