●Bineix doxdaeuj, Hozbuj Yen gaem ndei canjnieb bangrex, senj giyez dangguh guhyiengh daiq- doengh, doidoengh daengx yienh minzyingz giyez camgya bangrex canjnieb hwngfat, baumaenh moix aen mbanjgungzhoj、 moix aen ranzgungzhoj ceiqnoix miz aen giyez roxnaeuz hozcozse ndeu daiqdoengh, vih doxgaiq reihnaz mbanj- gungzhoj daezhawj canj、 gung、 gai daengj fugsaeh, daiqdoengh ranzgungzhoj vut gungz baenzfouq.

(Linz Gijboh)

●7 nyied 20 hauh, Gveilinz Si Vwnzlenz cuj- ciz lauxhangz vwnzyi bae daengz Gunghcwngz Yauz- cuz Swciyen Bingzanh Yangh Lugouj Cunh Mbanj- majvangzdangz, fwngz gaem fwngz sonyinx bangcoengh bouxyienj caijdiu vwnz- yidonz aen mbanj neix daezsang yienjheiq suij- bingz.

(Couh Binjciuh Linz Sinhcwngh)

●Gaenh geij bi neix daeuj, Dwzbauj Yen vih guh ndei hong swnjcienz、 vat- cimh caeuq baujhoh Heiq- cuengh baihnamz, laeb baujhoh gihci, gyalai bued roengz ngaenzcienz, laeb cienz cienhangh bang- coengh caeuq baujhoh Heiqcuengh, aeu Heiq- cuengh baihnamz caeuq cwngcwz fapgvi guekgya、cwngcwz leih minz dox giethab. Doengzseiz lij haiguh Heiqcuengh haeuj mbanj、 haeuj hagdangz、 haeuj gingjgih daengj hoz- dung dem, hawj Heiqcuengh ndaej ndeindei swnjcienz.

(Nungz Yungjfang)

●Gaenh geij bi neix daeuj, Ginhcouh Si Ginhnanz Gih haenqrengz hwngfat canjnieb ndaem mak, daengx gih saedyienh ndaem mak cungjmienhcik daengz 20.9 fanh moux, bi canjlieng 6 fanh lai dun、 canjciz daengz 2.6 ik maenz, mizyauq daiqdoengh bouxguhnaz baenzfouq.

(Vangz Yaubangh)