Miz aen suj hung he daep gwnz bakdou, diuz ganjdiet co he baenzlawz yunghrengz bae hai, hai buenq ngoenz hix hai mbouj ok. Seizneix, fag yaekseiz ndeu daeuj lo, cij raen de nonx haeuj congh suj bae. Yienznaeuz ndang de gig byom, hoeng, nyed yaep ndeu, aen suj hung haenx couh deng hai ok lo.

Diuz ganjdiet gig geizgvaiq, couh cam fag yaekseiz neix:“Vihmaz gou baenzneix yunghrengz hix hai mbouj ok, hoeng mwngz gig yungzheih couh guh daengz ne?”

Fag yaekseiz neix gangj:“Yienznaeuz mwngz beij gou lij co haujlai, hoeng miz saek di, gou beij mwngz rox aensim aen suj haenx. Miz saek seiz, guh saeh baenzgoeng mbouj dwg cij baengh byawz rengz hung byawz rengz iq.”

Aen sim moix boux vunz, cungj lumj aen bakdou aeu suj gaenq daep hwnj, diuz ganjdiet caiq co hix hai mbouj ok. Cij miz rox ndawsim bouxwnq siengj maz, bienqbaenz fag yaekseiz he saeqsim, cij ndaej byaij haeuj ndawsim bouxwnq bae.