Bineix doxdaeuj, Hocouh Si dawz vwnzva yizcanj daegbied dwg feihvuzciz vwnzva yizcanj baujhoh saehnieb dangguh diemj youqgaenj swnjcienz hawsingz rengzmingh、 comzgiet hwngfat rengzgietcomz、 daezsang vwnzva saedlig’unq, yungh lai cungj banhfap, netsaed guhhong, haenqrengz doidoengh swnjcienz caeuq hwngfat feihvuzciz vwnzva yizcanj aen si neix.

Bineix, Hocouh Si hainduj “feihyiz haeuj hagdangz” swnjcienz vunqsik, doenggvaq youq Hocouh Yozyen laeb “Ndangdaenj Yauzcuz Hocouh Yozyen Swnjcienz Gihdi”, doiq baengh gij feihyiz swnjcienz vunqsik hagdangz gohyenz caeuq lwgsae guh damqra, gihdi baengh gijndei hagdangz gohyenz, gyahaeuj leixniemh dajveh ndangdaenj daihneix, hawj Hocouh 《Ndangdaenj Yauzcuz》 youq saedceij guhhong caeuq riuzbienq seiz ndaejdaengz cienzmienh hwngfat, doidoengh hong baujhoh feihyiz Hocouh Si caeuq son’gyauq vunzcaiz baujhoh feihyiz.

Doengzseiz, Hocouh Si haenq- rengz bangcoengh swnjcienz baujhoh feihyiz, doenggvaq bangcoengh 《Ndangdaenj Yauzcuz》 Budouz Cin Vangzsiz Swnghcanjsing Baujhoh Sifan Gihdi, gihdi yungh “naj diemq laeng mbanj”、 youq aenmbanj Yauzcuz cigciep laeb gihdi daengj vunqsik, haiguh swnjcienz baujhoh. Gihdi binaengz swnghcanj Siuqyauz 10000 benq(gaiq), conzdungj ndang- daenj Yauzcuz 2000 lai dauq, caemhcaiq aeu 《Ndangdaenj Yauz- cuz》 doicaenh hagdangz、 aenmbanj、 segih、hoihgaicawx、 guekgya gaep bozvuzgvanj daengj.

(Cinz Ciuhlingz/覃秋零)