●7 nyied 12 daengz 16 hauh, Gunghcwngz Yen Cungj- gunghvei caeuq Yinzsegiz lienz- hab banh song geiz banbeizyin gwnz vangj gaicawx doxgaiq reihnaz mbouj aeu cienz. Doenggvaq beizyin, hawj yoz- yenz sugrox gwnz vangj baenzlawz gaicawx， yungh denswj sanghvu bingzdaiz aeu Dauzbaujvangj guh daiqbiuj haenx hai diemqvangj, caemh- caiq gag rox guhsat hong ngoenznaengz henhoh caeuq guh gaicawx doigvangq.

(Liengz Veih Cwng Yi)

●7 nyied 13 hauh, Cingsih Si banh “gyajseizhwngq angq- yangz vwnzyi caezbyaij” vwnzyi bangrex banggvai beizyin hoz- dung. Ngoenzhaenx, 20 lai boux bouxgagnyienh vwnzyi dozveh、 diuqfoux、 suhfaz daengj daengx si, son’gyauq 200 lai boux hag- seng suhfaz、 dozveh、 diuqfoux daengj cihsiz mbouj aeu cienz, beizyin yaek laebdaeb daengz 7 nyied 29 hauh.

(Vangz Limeij Ciz Veij)

●7 nyied 14 hauh, Hocouh Si Bazbu Gih Minzcunghgiz cujciz bouxguhhong daengz ciengzdieg cunghgyau hozdung dieg guenjleix haenx guh ancienz genjcaz. Genjcaz iugouz: aeu gyagiengz lingjdauj, guh ndei hong bonjfaenh, giengzvaq cidu, fugsaeh daengz vunz; aeu gyagiengz senhconz, daezsang yisiz, iugouz gak ciengzdieg hozdung yiemzgek ciuqsouj gyaudoeng cizsi caemhcaiq nem gingjsi byauhyij, cauh aen vanz- ging ndei ndeu hawj vunzlai.

(Mwz Ginjswngh)

●Mboengqneix, Yungzsuij Myauzcuz Swciyen aen hoih hong yivu gyauyuz bingzyaenx hwngfat nem yezvu beizyin youq aen yienh neix Minzcuz Veivu Cungsim ciuhai. Aenhoih giengzdiuh, doicaenh yivu gyauyuz bingzyaenx hwngfat, daengx yienh aeu daezsang roxyiuj, gig yawjnaek; dingh- mingz cwzyin, lozsiz hengz- doengh; doxgiet doxbang, haek- fug hojnanz, vih doicaenh gyauyuz ndei hwngfat, henhoh gyauyuz goengbingz, banh gij gyauyuz beksingq hab’eiq guh ok gungyen moq.

(Cinz Cunghdwz Liengz Suihih)