Bi 2016, Lungzswng Gak Cuz Swciyen Minzcuzgiz gaem ndei hwnjguh aenmbanj saujsu minzcuz miz daegsaek, cienzmienh doicaenh gizdieg minzcuz hwnjguh siujgangh ndawbiengz, aeundaej cingzcik yienhda.

It dwg dingh’ok hwngfat gveihva aenmbanj saujsu minzcuz miz daeg- saek. Giendingh gij yenzcwz “baujhoh ciemqgonq、 yawjnaek hwngfat, doed ok cungdenj、 yienh’ok daegsaek, gveihva byaijgonq、 miz bouhloh doicaenh, cwngfuj guhdaeuz、 ndaw- biengz camgya, vunzlai cawjdaej、 mizik minzswngh”, hopheux aen muzbyauh dajcaux baenz saujsu minzcuz caeuq gizdieg minzcuz seveicujyi lajmbanj moq hwnjguh, gohyoz dingh’ok hwngfat gveihva, vih yenveij、 yen cwngfuj dajgauj sij le 《Lungzswng Gak Cuz Swciyen Aenmbanj Saujsu Minzcuz Miz Daegsaek Baujhoh Caeuq Hwngfat Hengzguh Yigen》.

Ngeih dwg gyahung hwnjguh aenmbanj saujsu minzcuz miz daeg- saek giekdaej sezsih. It fuengmienh, gaenxmaenx ceng’aeu ngaenzcienz guekgya、 swcigih、 si bued roengz hwnjguh aenmbanj saujsu minzcuz miz daegsaek giekdaej sezsih; lingh fuengmienh, cingjhab ngaenzcienz cwngfuj bued roengz hwnjguh aen- mbanj saujsu minzcuz miz daeg- saek.

Sam dwg haenqrengz gaem ndei aenmbanj saujsu minzcuz miz daeg- saek baujhoh caeuq hwngfat. Ciuq baujhoh ciemqgonq, hableix haifat cungjdaej lohnaemj, haenqrengz daj- caux buek aenmbanj daegsaek miz gyaciz、 miz yingjyangj he, aeundaej cingzcik yienhda. Buek aenmbanj saujsu minzcuz miz daegsaek he ndaej senj haeuj guekgya、 swcigih gaep baujhoh mingzloeg, miz 11 aen mbanj ndaej daengz Guekgya Minzveij ancoh baenz buek daeuz “aenmbanj saujsu minzcuz miz daegsaek Cungguek”.

(Lungz Cwng/龙 政)