●Bineix dwg bi daih’it Swcigih Yinzminz Cwngfuj baecinj cugyamq haiguh hong Sawcuengh Vahcuengh suijbingz gaujsi cangzdaiva. 7 nyied 6 hauh, Swcigih Minzyijveij yaenqfat 《Sawcuengh Vahcuengh Suijbingz Gaujsi Gunghgau》, caemhcaiq fatroengz mizgven dunghcih, dingh bi 2016 Sawcuengh Vahcuengh suijbingz gaujsi yaek youq 7 nyied 30 hauh youq Guengjsae Minzcuz Dayoz gauj. Seizneix, gak hangh hong caep- cawq gaujsi cingq miz bouhloh haiguh.

(Swcigih Minzyijveij Ying- yungcu)

●7 nyied 9 hauh, Lungz- swng Gak Cuz Swciyen Byauzlij Cin Gyauhcouh Cunh banh gaiq daeuz “aenmbanj nyawhnding·swnghdai gyaranz” ciet vwnzva lijyouz nem angqhoh “ndwenloeg coloeg” conzdungj cietndei hoz- dung. Hozdung ngoenzhaenx banh le cien vunz ngaizbakranz、 nyawhnding gaicawx、 biujyienj minzsuz vwnzyi daengj hozdung, yinx ndaej haujlai bouxhek daj Huznanz、 Guengjdoeng daengj daeuj haenx doxcomz Gyauhcouh Cunh, caeuq vunzlai dangdieg itheij angqhoh cietndei.

(Banh Cisiengz Mungz Liujgez)

●7 nyied 9 hauh, Lingzconh Yen Giujvuz Cin Dunghyenz Cunh Mbanjlaujcai banh Ranz- yauz “ndwenloeg coloeg” ciet- cimzmoq hozdung, ndawbiengz gak hangz sinhvwnz meizdij、 bouxhek caeuq vunzlai dangdieg 1000 lai boux doengzcaez angqhoh ngoenzciet Mbanjyauz. Hozdung ngoenz haenx haiguh le doiq fwen、 fouxgyongraez nem minzcuz conzdungj vwnzyi yienjok.

(Lingzconh Yen Minzcuz- giz)

●Mboengqneix, vihliux fuengzre fatseng saeh mbaet- raemx, Yungzanh Yen Hungz- sizswvei vih 300 lai boux hagseng Yungzanh Yen Daihngeih Saedniemh Siujyoz hwnj le dangzgoq beizyin fuengz mbaetraemx aen cawjdaez dwg “in’gyaez sengmingh lizgyaez mbaetraemx” he, ndaej daengz lauxsae caeuq gyoengq hagseng haenh.

(Couh Dungz)