Bi 2016 doxdaeuj, Laizbinh Si yungh sam aen banhfap, haenqrengz haiguh hong minzcuz doxgiet senhconz gyauyuz.

It dwg gak fuengmienh senhconz. Youq gunghyenz、 gvangjcangz、 gaihaw、 lajmbanj、 hagdangz daengj dieg, doenggvaq “bak mbaw banjbau、 cien diuz baengzhoengz、 fanh bonj swhliu caeuq fanh diuz saenqsik” haenqrengz haiguh senhconz hozdung, caux ok minzcuz doxgiet cinbu senhconz gyauyuz heiqfaenh ndei; yungh Laizbinh Yizbau、 Laizbinh Si Densidaiz、 Guengjsae Densidaiz daengj meizdij haiguh ciendaez senhconz bauqlwnh 60 lai diuz(bien).

Ngeih dwg yungh hagdangz diemjguhyiengh senhconz. Youq Hinghbinh Gih Minzcuz Siujyoz、 Ginhsiu Minzcuz Siujyoz、 Vujsenh Yen Minzcuz Cunghyoz hagdangz guhyiengh haiguh minzcuz vwnzva cawjdaez saedguh hozdung hingzsik lai yiengh, coicaenh minzcuz vwnzva swnjcienz, lij leihyungh senhconzlanz、 hagdangz gvangjbo daengj lai cungj fuengsik haenqrengz senhconz minzcuz cihsiz.

Sam dwg giethab ngoenzciet angqhoh hozdung senhconz, youq “sam nyied sam” daengj ngoenzciet hozdung geizgan banh minzsuz vwnzyi comzyienj caeuq minzcuz conzdungj dijyuz doxdax lai cungj lai yiengh, youq hozdung seiz, cab haeuj minzcuz cwngcwz senhconz caeuq minzcuz doxgiet neiyungz cezmuz comzyienj, hawj guengjdaih beksingq youq camgya hozdung seiz ciepsouh minzcuz doxgiet senhconz gyauyuz.

(Mungz Gyahho/蒙家贺)