●6 nyied 28 hauh, Yungzsuij Myauzcuz Swciyen Fuzbinzban、 Fulenz lienzhab youq Hungzsuij Yangh Cin- minz Cunh banh mbanj- gungzhoj bouxguhnaz dinfwngz saedyungh nem mehmbwk ranzgungzhoj dinfwngz saed- yungh beizyinbanh, 50 lai boux mehmbwk Myauzcuz ranzgungzhoj camgya dinfwngz dajciengx、 dajndaem beiz- yin.

(Liu Swjyenh)

●6 nyied 28 hauh, Mungzsanh Yen banh gijgwn ancienz senhconz hozdung, doenggvaq baij gijgwn ancienz senhconz canjbanj、 fat swhliu senhconz caemhcaiq banh gijgwn ancienz miz ciengj cihsiz camdap daengj hingzsik, haiguh gijgwn ancienz senh- conz hozdung, caenh’itbouh demgiengz gij yisiz ndaw- biengz gijgwn ancienz, bauj- maenh beksingq gijgwn ancienz.

(Gvanh Sinh Cai Cunghgez)

●6 nyied 26 daengz 27 hauh, Vanzgyangh Mauznanz- cuz Swciyen banh “ciet- faenlungz Mauznanzcuz” conzdungj hozdung, hawj gak cuz beixnuengx doxcomz doxrop. Aen hozdung neix yinx ndaej haujlai hekyouz daeuj yawjngonz, hawj saujsu minzcuz vwnzva ndaejdaengz engq ndei baujhoh、 vatcimh caeuq swnjcienz roengzbae.

(Danz Su’myauz)

●6 nyied 29 hauh, Cingsih Si Minzcuzgiz mizgven bouxfucwz bae daengz aen si neix Gizyangz Cin Dungzyenz Cunh haiguh “caet it” cunzcam hozdung, soengq doxgaiq caeuq ngaenzcienz hawj dangjyenz gungzhoj.

(Yangz Boz)

●Vih gyalaeg dangjyenz lajmbanj roxyiuj “song hag it guh” hozdung, Gunghcwngz Yauzcuz Swciyen Sihlingj Yangh Yangzhih Cunh Dangj- cihbu, cauxmoq hozdung caidij, youq “caet it” gaxgonq haiguh baenzdauq “song hag it guh” cihsiz doxdax hozdung.

(Couh Binjciuh Vangz Hozsinh)