Bi 2015 doxdaeuj, Vanzgyangh Mauznanzcuz Swciyen Minzcuzgiz saeqsim dingh ok guhhong fueng’anq, laebbaenz guhhong lingjdauj siujcuj, lozsiz cienvunz cienguenj. Vih hong vatcimh cingjleix minzcuz vwnzva yizcanj ndaej mizyauq haiguh, bued roengz haujlai ngaenzcienz, hawj boux ndiepgyaez vwnzva minzcuz doenggvaq haiguh diucaz、 soucomz, haenqguh hong vatcimh、 soucomz caeuq cingjleix 《Fwen Mauznanzcuz》caeuq 《Beigaek Vanzgyangh》 song aen hanghmoeg neix.

Ciuq cam rox, 《Fwen Mauz- nanzcuz》 gaenq soucomz cingjleix le 18 hot, 《Beigaek Vanzgyangh》 daengx bonj saw daihgaiq miz 10 fanh cih saw, fuk doz 100 lai fuk. Daengz seizneix, song aen hanghmoeg neix gaenq guhsat lo. Caemhcaiq ginggvaq aen giz neix cujciz mizgven vunz saemjdingh, neiyungz caensaed, dajsuenq bi 2016 daej yaek okbanj fathengz.

Doenggvaq ciengjgouq、 baujhoh vatcimh、 cingjleix swnjcienz caeuq okbanj fathengz, hawj engq lai vunz roxyiuj minzcuz vwnzva yizcanj youqgaenj caeuq dijbauj, mizyauq daezsang gij yisiz gak cuz beksingq ndiepgyaez bonjdieg minzcuz vwnzva, vih coglaeng vatcimh soucomz gak cuz vwnzva yizcanj dwkroengz giekdaej maenhndei.

(Danz Su’myauz/谭素苗)