●Mboengqneix, Yungzsuij Myauzcuz Swciyen Yungzsuij Cin Dangjveij Cwngfuj leih- yungh seizgan banhaemh, cujciz dangjyenz beksingq doenggvaq vwnzyi biujyienj、 fatcuengq swhliu、 cihsiz doxdax daengj hingzsik, haeuj mbanj haeuj ranz senhconz gijgwn、 yw、 haici daengj ancienz cihsiz, mizyauq daezsang fuengzre naengzlig vunzmbanj, baujcwng beksingq sengmingh cienzcaiz ancienz.

(Lungz Linzci)

●6 nyied 24 hauh, Lungz- swng Gak Cuz Swciyen haiguh aen cawjdaez dwg “insik seng- mingh hauxseng mbouj ienq- hoij” gaiqdoeg senhconz hoz- dung. Hozdung seiz, doenggvaq bouxgagnyienh senhconz gaiq- doeg yienhciengz senhgyangj、 gaiqdoeg cihsiz camdap、 fat- cuengq senhconz swhliu daengj hingzsik, yiengq vunzlai cang- dauj insik sengmingh, lizgyae huqdoeg.

(Banh Cisiengz Buj Cinz- cing)

●Gaenh geij bi neix daeuj, Lozcwngz aeu hengzguh “cib bak cien” canjniebvaq bangrex sifan gunghcwngz、 sizmozva cunghhoz ceihleix gunghcwngz guh seizndei, doenggvaq fat- cuengq dinmakitbwn mbouj aeu cienz、 bangbouj bwnh caeuq cienz daengj bangcoengh fuengsik, sonyinx daengx- gyoengq beksingq leihyungh najranz laengranz、 diegbya diegfwz daengj, haenqrengz ndaem makitbwn, doidoengh daengx yienh makitbwn canj- nieb hwngfat, mizyauq coicaenh beksingq demsou、 nungzyez fungsou.

(Liu Gvanghfuz)

●6 nyied 23 hauh, gauh- gauj cingzcik rox le, Gungh- cwngz Yauzcuz Swciyen Gungh- cwngz Cunghyoz hagseng Mung Dizsiuh vwnzgoh faensoq gwnz- gienj ndaej 660 faen, gyoeb gyafaen ndaej 680 faen, youq Guengjsae raeuz baiz daih’it mingz. Liujcouh Si Liujcouh Gauhcungh hagseng Cinz Yisinh lijgoh faensoq gwnzgienj ndaej 703 faen, gyoeb gyafaen ndaej 708 faen, saedcaeq faensoq caeuq cungjfaen cungj baiz youq Guengjsae daih’it.

(Couh Binjciuh)