Baengzyoux, mwngz bae gvaq Bingzdenz lwi? Haenx dwg Gveigangj Si Cinzdangz Gih aen mbanj iq ndeu, giz neix gingjsaek gig gyaeundei.

6 nyied ngoenz ndeu, daengx ranz gou bae Bingzdenz youz, daeujdaengz Bingzdenz, yawjraen baihnaj dwg benq daemz ngaeux ndeu. Gou vaiq di byaij baenaj， ha! Aen daemzngaeux gvangqlangh yawj mbouj raen haenz. Ndaw daemzngaeux hai miz haujlai va- ngaeux, miz hau, miz mbaeq, miz nding…… gou yawj duj neix, youh yawj duj haenx. Va- ngaeux gak duj miz gak yiengh, mizmbangj ngamq loh ok valup soemsetset, mizmbangj lumj dahsau launyaenq, cij loh ok di naj ndeu, mizmbangj lumj daegmbauq mbeihung, cungj loh ok najaek, youq laj ndit simmaengx diuqfoux. Baenz mbaw baenz mbaw mbaw- ngaeux luenzlulu, lumj baenz aen baenz aen liengjheu iq nei gang youq gwnz raemx, bya’ iq youq ndaw raemx youz baeg le couh youq laj “liengj” yietbaeg. Rumz baez ci daeuj, va’ngaeux mbawngaeux bi bae bi dauq, gizgiz cungj dwg heiqva rangfwdfwd.

Bingzdenz Va’ngaeux gyaeundeu raixcaix, angqcoux daihgya daeuj Bingzdenz ngonz va- ngaeux. （指导老师：韦江萍）