5 nyied 27 hauh hainduj, Cungz- coj Dendaiz youq cunghhoz gvangjbo binzliz(FM97.2) gyalai laeb aen lanzmoeg Vahcuengh 《Gojgaeq Cungzcoj》 he. Aen lanzmoeg neix cujyau humxheux Cungzcoj bonjdieg lizsij vwnzva、 hawsingz hwnjguh caeuq hwngfat guh vatcimh, fanjwngq Cungzcoj yinzvwnz lizsij、 fungsug bonjdieg、 hawsingz hwngfat bienqvaq hungloet daengj, yungh Vahcuengh bonjdieg doengsug ngaih rox haenx, hawj vunzlai engqgya haeujlaeg roxyiuj Cungzcoj. Seizneix, aen lanzmoeg neix moix aen singhgiz haj banhaet 11:30(boq baez daeuz), baihlaeng aen singhgiz it banringzgvaq 17:30(dauqboq), moix geiz 15 faen cung. Boqcuengq aen lanzmoeg neix hawj vwnzva saedceij dangdieg dieggyae diegbya gak cuz vunzlai engqgya fungfouq.

(Cungzcoj Si Minzyijveij)