●Bineix doxdaeuj, Yungz- suij Myauzcuz Swciyen aeu bangrix gunghoj guh cungdenj, cimdoiq 101 boux dangjcujciz daih’it suhgi 2015 nienz、 2016 nienz senjbaij daengz daengx yienh 101 aen mbanjgungz- hoj haenx, doengvaq beizyin giengzvaq hong dangjgen、 gejdoeg cwngcwz、 hwnjguh lajmbanj daengj fuengmienh, mboujduenh daezsang gyoeb- hab suciz “daih’it suhgi”, mizyauq bangcoh cingcinj bangrex.

(Lungz Linzci)

●Bineix seizcin daj- ndaem doxdaeuj, Fuconh Yauzcuz Swciyen gunghsangh bumwnz iucingj mizgven laux- hangz daeuj bang boux- hengzfap gunghsangh bumwnz ok banhfap yawjrox caen’gyaj nungzswh, ndaej bang boux- guhnaz cawx nungzswh gemj- noix sonjsaet.

(Cinz Yengiz Bwz Lingz)

●Mboengqneix, Libuj Yen cujciz dangjyenz ganbu daengz dieglaux gwzming、 mbanjyinghyungz hoenx Yiz- bwnj dauqhag vahmieng haeuj dangj, dingq duiyouh dangjyenz geq gangj goj gwzming, doeng- gvaq ngonzyawj ranz liedbaij hoenx Yizbwnj, dauqcungz hagsib dangjcangh dangjgveih caeuq hag Siz cungjsuhgi baenzdauq gangjvah, geiq- maenh dangjyenz yivu caeuq gienzleih, guh habgek dangj- yenz.

(Couh Cinyenj)

●6 nyied 13 hauh, gicej daj Swcigih Ciuseng Gaujsiyen roxyiuj daengz, bineix gih raeuz dajsuenq yiengq Sanglinz Yen daengj 20 aen yienh(si、 gih) ciusou 172 boux gauhcungh bizyezswngh, hawj gyoengqde daeuj hag 3 bi conhgoh ciennieb lauxsae Cuengh Gun song vah saw dinghyiengq gungganq swhfanswngh mbouj aeu cienz, youz Gvangjsih Swhfan Yozyen fucwz gungganq yinvu. Dinghyiengq song vah saw swhfanswngh youq hag- dangz geizgan mbouj aeu cienzsaw, mbouj aeu cienz- dozyouq.

(Cau Ginhlingz)