Daegde ienqhoij lai,

Naeuz mwngz gvai fouzbeij,

Ndaej mwngz daeuj guh maex,

Suenq seiq gonq goengrengz.

Daegbeix de sienhsoh,

Roxsoq youh dwggyaez,

De doiq Daegbeu ndei,

Dangq gyaez lwg bonjfaenh.

Simj:

Daegdenz mwngz gaej naeuz,

Saedcaih gou caen huk,

Mbouj rox maz dwg fuk,

Ukgyaeuj ngawz lailai.

Au:

Dwg gou gag boihseiz,

Ndei rwix cix mbouj rox,

Maex lumj duj va moq,

Mbouj gyaezhoh saek di.

Hab:

Ranz lawz mbouj capheiq,

Hak ndei leix mbouj doeng,

Mbouj gvaiq bouxlawz loeng,

Ndwenngoenz cij vandiemz.(sat)