Ngoenzsinghgiz, Siuj- mingz caeuq Siujcuh bae gunghyenz guhcaemz, raen duz noucoengz iq ndeu doek roengz gwnz dieg daeuj: Laxlawz ngoenzlwenz doek fwn hung, aenrongz noucoengz deng fwn rwed vaih lo.

Yienghneix, Siujmingz caeuq Siujcuh gietdingh bang duz noucoengz guh aen ranz moq ndeu. Song boux de ma daengz ranz, ra daeuj geij gep benj、faggawq、 dietding, yienzhaeuh aeu benj gawq baenz hung’iq habngamj, caiq yungh ding ding baenz aenranz.

Ngoenz daihngeih yaek haemh, song boux de daiq aenranz iq daeujdaengz ndaw gunghyenz, ra daengz go faex noucoengz iq youq haenx, dawz aenranz iq cang hwnj gwnz faex bae.

Noucoengz iq miz ranz moq lo! Yawj, gyoengqde riu ndaej geijlai haisim ha!

(ngeih nienzgaep Cuh Fanz)