6 nyied 7 hauh, bi 2016 daengx gih Sawcuengh fanhoiz cogaep beiz- yinbanh youz Swcigih Minzyijveij banh haenx gietnieb.

Youq 18 ngoenz beizyin seizgan, iucingj Cunghgoz Minzcuz Yijvwnz Fanhyizgiz guekgya ngeih gaep hoiz- saemj Gvanh Swgingh、 Gvangjsih Sam Nyied Sam Cazcise cungjbien Cinz Siengzcouh、hoizsaemj Vuz Yifu, faen- bied vih yozyenz hwnjdangz 《Gij Fanhoiz Gigiuj Caeuq Sijfap Yenzcwz Mingzcwngh Danhvei、Byauhyij》《Youq Hingzseiq Moq Lajde Swnjcienz Caeuq Hwngfat Fwen Guengjsae》《Vahyaem Sawcuengh》《Sawloih Sawcuengh》 daengj.

Yozyenz cungj naeuz, camgya baez hagsib neix, caezgya mboujdanh hag rox giekdaej cihsiz Sawcuengh, rox dingq gangj doeg sij Sawcuengh, lij hag ndaej fuengfap fanhoiz mingzcwngh gihgvanh danhvei, doiq baenaj guhhong fanhoiz miz bangcoh gig lai.

(Ouh Caijfangh)