●6 nyied 8 hauh, Ginhsiu Yauzcuz Swciyen Minzcuz Siujyoz haiguh gai doxgaiq bangcoh vunz hozdung. Hoz- dung seiz, hagseng caenfwngz guh gaudiemj、 faengx daengj gak cungj doxgaiqgwn, yienhciengz gai, gai ndaej cienz cienzbouh gien hawj lwgnyez louz mbanj aen hagdangz neix.

(Vangz Siufung)

●6 nyied 9 hauh dwg ciet ngux nyied co’ngux gyajgeiz ngoenz daih’it, Sanhgyangh Dungcuz Swciyen Danhcouh Cin Banjbi Cunh ndaw suen vagwzsangh va hai hoenghvuengh, yinx ndaej baenz cien boux hekyouz daeuj yawjngonz. 2016 nienz 1 daengz 5 nyied, daengx yienh ciepdaih hekyouz daengz 340 fanh vunzbaez, mizyauq doicaenh lajmbanj lijyouz youhhenz canjnieb hwngfat, coicaenh dangdieg vunzlai demsou vut gungz.

(Vuz Lenyinh)

●Gaenh geij bi neix daeuj, Siengcouh Yen doeng- gvaq haiguh “sam gouz” gunghcwngz hwnjguh, daih- bouhfaenh lajmbanj gaenq hwnjlaeb miz daizheiq yienj- heiq, gapbaenz doihyienjheiq, dangdieg dangjveij cwngfuj gig yawjnaek doihyienjheiq majhung, doenggvaq cawx gunghgung vwnzva fugsaeh, coicaenh doihyienjheiq maj- hung, ndaw yienh haujlai danhvei ciengzseiz cingj lajmbanj doihyienjheiq daeuj yienjok, senhconz fuengcim cwngcwz dangj.

(Liu Bwnjvei)

●6 nyied 7 hauh, fap- guen Nazboh Yen Yinzminz Fazyen Bwzduh Yinzminz Fazdingz haeujlaeg daengz Bwzswngj Yangh Menliengz Cunh Mbanjmyauz dieg youq Cungguek Yeznanz henzgyaiq haenx, haiguh fazci senhconz gyauyuz hozdung, haeuj ranz haeuj mbanj fat faplwd senhconz swhliu, sonyinx henzgyaiq beksingq hag fap、 rox fap、 souj fap, coicaenh dieg henzguek ndawbiengz onjdingh caeuq minzcuz doxgiet.

(Linz Yungzsenh)