Ginhsiu Yauzcuz Swciyen gig yawjnaek Yauzcuz conzdungj vwnzva hwngfat, “cibsam haj” geizgan, yaek caenh’itbouh gyahung ligdoh hong vatcimh、 cingjleix、 baujhoh caeuq swnjcienz minzcuz vwnzva, caenh- itbouh fatyiengz minzcuz vwnzva.

It dwg haenqrengz hwngfat saujsu minzcuz dijyuz, gyagiengz vwnzva dijyuz caeuq lijyouz canjnieb yungzhab, aeu saujsu minzcuz doxdax hozdung yungzhaeuj lijyouz haifat, guhbaenz gij gizmen canjnieb dox daiqdoengh、 dox yingjyangj、 dox hwngfat. Swnjcienz caeuq doigvangq Yauzcuz doxdax dijyuz, gaenxmaenx camgya saujsu minzcuz yindungvei, habdangq cujciz Yauzcuz gyongdingj daengj saujsu minzcuz yindung camgya doxdax, hwnjguh Guengjsae saujsu minzcuz yindung gihdi.

Ngeih dwg aeu Yauzcuz vwnzva guh giekdaej, aeu diuqfoux、 yaemgo、 dinfwngz ak Yauzcuz daengj ndawbiengz yisuz gig miz Ginhsiu daegsaek haenx, hawj de caeuq lijyouzyez gaenjmaenh giethab, doenggvaq gvangjbo、 yingjsi、 ingjsiengq daengj lai cungj biujyienh hingzsik, dajcaux buek cingbinj yenjyi gig miz Yauzcuz vwnzva daegsaek caeuq yinxdaeuz yisuz naekna ndeu. Guh ndei swnjcienz caeuq baujhoh feihvuzciz vwnzva yizcanj, cujciz bauq buek feihvuzciz vwnzva yizcanj baujhoh hanghmoeg ndeu, cungfaen fatok gij cozyung feihvuzciz vwnzva yizcanj.

Sam dwg bangcoengh caeuq gung- ganq vwnzdij giyez caeuq bonjfaenh vunz. Haenqrengz haeujcoengh yienh vwnzva yisuzdonz gag ginghyingz; gujli hwngfat aendoih vwnzyi ndawbiengz, gungganq canghheiq ndawbiengz; gujli haiguh vwnzyi yienjok、 hoh ngoenzciet vwnzva hozdung, haeujcoengh ndaw- biengz banh “ciet Buenzvuengz” daengj minzcuz conzdungj ngoenzciet; gujli giyez aeu minzcuz yenzsu yungh daengz doxgaiq dajveh、 baucang dajveh caeuq caepranz dajveh daengj.

(Veiz Yinbinh/韦运斌)