6 nyied 1 hauh, Swcigih Minzveij cujyin Luz Yenbenj、 Namzningz Si Minzveij cujyin Suh Cigangh daengj bae daengz Majsanh Yen Gujcai Yauzcuz Yangh diuyenz hong cauxlaeb minzcuz doxgiet cinbu, aen yienh neix yenveij cangzveij、 dungjcanbu bucangj Banh Gveiginh daengj buenx bae.

Luz Yenbenj daengj gonqlaeng ngonzyawj le Gujcai Yauzcuz Yangh gaihaw Yauzcuz daegsaek yienghsiengq gaijcaux gunghcwngz、ranzlanghbaij minzsuz vwnzva、 Gujlangj Mbanjyauz Vagimngaenz Gunghyenz. Luz Yenbenj haengjdingh le gij cingzcik Gujcai Yauzcuz Yangh hong cauxlaeb minzcuz doxgiet cinbu aeundaej haenx, haenhndei gij guhfap Gujcai Yauzcuz Yangh doenggvaq minzcuz daegsaek yienghsiengq gaijcaux、 hwnjguh ranz- langhbaij minzsuz vwnzva daengj fuengsik daeuj ciengjgouq、 yenzgiu caeuq baujhoh minzcuz conzdungj vwnzva haenx, caemhcaiq maqmuengh Gujcai Yauzcuz Yangh aeu minzcuz doxgiet cinbu cauxlaeb hozdung caeuq gak hangh hong cungsim giethab hwnjdaeuj, yungh ndei gij minzcuz cwngcwz dangj, coicaenh minzcuz yangh ndawbiengz ginghci vwnzva saehnieb hoenghvuengh hwngfat.

(Gujcai Yauzcuz Yangh)