Mboengqneix, Cingsih Si youq aen si neix Minzcuz Cunghyoz banh Aen Hoih Yaenglwnh Doxgyau Minzcuz Doxgiet Daegsaek Gyauyuz, daengx si 19 aen yanghcin cungh siuj hagdangz ca mbouj geijlai 3000 boux lauxsae hagseng daiqbiuj camgya haihoih.

Aen hoih neix yungh saeddieg ngonzyawj ndawhag minzcuz vwnzva hwnjguh、 hoihnaenghdamz、 minzcuz yisuz yienjok、 minzcuz dijyuz hanghmoeg hozdung daengj hingzsik, hawj boux camgya haihoih caenndang roxnyinh gij yinxdaeuz daegbied minzcuz daegsaek vwnzva naekna.

Gaenh geij bi neix daeuj, aen si neix yungh seizndei cauxlaeb minzcuz doxgiet cinbu sifan si, gaenxmaenx haiguh minzcuz doxgiet cinbu cauxlaeb haeuj hagdangz hozdung, mboujduenh doidoengh hong minzcuz doxgiet gyauyuz haeujlaeg haiguh, caux ok minzcuz vwnzva heiqfaenh naekna, gikfat gij yisiz minzcuz doxgiet gyoengq lauxsae hagseng, hawj lauxsae hagseng camgya caeuq caenndang daejniemh ginggvaq, gungganq gij cingzgamj gyaez guekcoj、 gyaez mbanjranz, demgya minzcuz miznaj caeuq gagsaenq.

(Yangz Boz/杨 博)