Mbouj dwg sojmiz gofaex hung,

Cungj deng rumzhaenq euj goenq;

Mbouj dwg sojmiz ceh,

Cungj ra mbouj ndaej namh bae didrag,

Mbouj dwg sojmiz caencingz,

Cungj laesaet youq diegsa ndawsim bouxvunz;

Mbouj dwg sojmiz siengjndwi,

Cungj nyienh deng eujbae gij fwed.

Mbouj, mbouj dwg sojmiz,

Cungj dwg mwngz naeuz yienghhaenx!

Mbouj dwg sojmiz feizmbaw,

Cungj cij coemh swhgeij,

Hoeng mbouj ciuq rongh bouxwnq;

Mbouj dwg sojmiz ndaundeiq,

Cungj cij yienh ok dwg gyanghaemh,

Hoeng mbouj lwnh naeuz mbwnmomj

yaek daengz;

Mbouj dwg sojmiz sing go,

Cungj biu gvaq henz rwz,

Hoeng mbouj ce youq ndawsim.

Mbouj, mbouj dwg sojmiz,

Cungj dwg mwngz naeuz yienghhaenx!

Mbouj dwg sojmiz heuh cungj mbouj miz han;

Mbouj dwg sojmiz sonjsaet cungj mbouj miz

banhfap bae boujdauq;

Mbouj dwg sojmiz cauzlak laeg cungj dwg dairaeg;

Mbouj dwg sojmiz dairaeg cungj hoemq youq

gwnz gyaeuj bouxnyieg;

Mbouj dwg sojmiz sim

Cungj ndaej caij youq laj din, naeuh youq ndaw

namh;

Mbouj dwg sojmiz cietgoj,

Cungj dwg raemxda caeuq lwed lae, hoeng mbouj

raen najriu.

Seizneix sojmiz cungj hamz miz daengzcog,

Daengzcog sojmiz cungj maj youq ngoenzlwenz.

Maqmuengh, caemhcaiq vih de ceng,

Cingj aeu sojmiz cuengq youq gwnz mbaq mwngz!