5 nyied 24 hauh, yanghsi itdauq《Gij Feihdauh Ngux Nyied Co’ngux Daegbied》 lanzmoegcuj bae Baksaek Si Lingzyinz Yen, youq henz Dahswsuij miz lizsij gyaenanz haenx caeuq aen yienh neix Ya’gyaz Cin swnghdai lajmbanj Bazlinz Nungzcangh loegguh ciet ngux nyied co’ngux daegbied cezmuz.

Loegguh yienhciengz, lanzmoegcuj aeu minzsuz hozdung bonjdieg——gyang raemx ciengj bit guh rizsienq, yinx ok daegsaek gijgwn ndei dangdieg——Lingzyinz ngaizbit, caemhcaiq hawj bouxcujciz caenndang camgya daejniemh guh gijgwn ndei, yiengq daengx guek bouxyawj langhbaij le guhfap caeuq daegsaek Lingzyinz ngaizbit.

Ciuq cam rox, yanghsi itdauq daegbied cezmuz ngux nyied co- ngux 《Gij Feihdauh Ngux Nyied Co’ngux Daegbied》 youq Guengjsae gak dieg loegguh sat le, yaek youq 6 nyied 9 hauh daengz 11 hauh ciet ngux nyied co’ngux geizgan banhaet 8 diemj cung cuengqok, daengzseiz hawj bouxyawj yawj cezmuz seiz byaij haeuj Lingzyinz, roxyiuj gij gingjsaek gyaeundei、 daegsaek gijgwn ndei caeuq fungsug Lingzyinz.(Siuh Fazlingz/肖发凌 Vangz Yenzyungz/黄元荣)