5 nyied 26 hauh, ciet lwgnyez gozci “roek it” daeuj daengz gaxgonq, Cungzcoj Si Gyanghcouh Gih gizdieg sonhag Cuengh Gun song saw vah——Banjli Yangh Cungsim Siujyoz banh doxdax gangj gojgaeq Vahcuengh hozdung. Aen hozdung neix, cienzbouh youz hagseng aen hagdangz neix cujciz、 lauxsae sonyinx、 hagdangz lauxsae guh bingzveij. Gij gojgaeq camgya doxdax haenx dwg gij saeh hagseng bingzseiz hagsib saedceij comz roengzdaeuj, lauxsae sonyinx hagseng yungh Vahcuengh bien baenz gojgaeq.

Doenggvaq baez doxdax hozdung neix, caenh’itbouh gikfat gij yiedcingz hagseng hag Sawcuengh Vahcuengh, daezsang gij gangjvah naengzlig hagseng, mizyauq langhbaij le hagdangz hengzguh Cuengh Gun song saw vah gyauyuz sonhag, dwg baez niemhyawj gij cwngzgoj hagdangz Cuengh Gun song saw vah gyauyuz sonhag he, coicaenh daezsang sonhag cizlieng.

(Vangz Saugyah/黄少嘉 Se Naijyiz/谢乃日)