●Gaenh geij bi neix daeuj, Sanhgyangh Dungcuz Swciyen baengh gij hozcozse vunqsik “gunghswh+gihdi+ranzgungzhoj”, doenggvaq “gyaeujlungz daiqdoengh” “gujfwn doxgap” “faensanq swnghcanj、 cizyoz gingh- yingz” daengj banghoj fueng- sik doidoengh daegsaek canj- nieb hwngfat, bangcoengh bouxguhnaz gungzhoj ra ndaej diuz loh baenzfouq he.

(Vuz Lenyinh)

●Vihliux daegsaek dox- gaiq reihnaz ndaej lai fungsou, mizyauq coicaenh gizdieg saujsu minzcuz ginghci hoenghvuengh hwngfat, gyavaiq yamqdin vut gungz baenzfouq. Mboengqneix, Vanzgyangh Mauznanzcuz Swciyen cujciz haiguh beizyin gisuz dajndaem haeuxsuen haeuxcid, aen yienh neix gak yanghcin 300 lai noengzhoh daengz ciengz camgya beizyin.

(Danz Su’myauz)

●Mboengqneix， Lungz- swng Gak Cuz Swciyen Laux- nienz Dayoz banh bi 2016 “ndwenhaj vuenheij” daih- hingz fouxgvangjcangz baij- yienj hozdung, daengx yienh 18 aen fouxgvangjcangz vwnzyidui 300 lai boux duiyenz daenj buhvaq Myauz、 Yauz、 Dung、 Cuengh、 Gun biujyienj daihhingz foux- dohyeh、 《Fouxdoengh Cung- guek》 daengj fouxgvangjcangz cezmuz, cangdauj daihgya lienhndang、 insik ndangdaej cangqheiq.

(Banh Cisiengz)

●Mboengqneix, Guengj- sae feihyiz vwnzva “vwnz- cangz” bouxswnjcienz Cinz Livwnz, bae daengz Yungzanh Yen Cangzanh Cin Anhningz Cunh Mbanjdabauz Mbanj- myauz dieggyae diegbya, son “vwnzcangz”yienjciengq fuengfap, beizyin beixnuengx saujsu minzcuz hag conzdungj vwnzva, doenggvaq beizyin hawj “vwnzcangz” feihyiz vwnzva gig miz daegsaek baihbaek Guengjsae haenx ndaej caenh’itbouh fatyiengz guengjdaih, doengzseiz, coi- caenh minzcuz doxgiet huzndei.

(Danz Gaijhingh Cinz Ginghoz)