“Cibngeih haj” geizgan, Guengjsae Gih Minzveij、 Gvangjdengiz、 Minz- yijveij daengj bumwnz gaenxmaenx boiqhab, nyinhcaen guh ndei hong hoizguh、 loegguh caeuq cuengqok cezmuz gvangjbo densi vah saujsu minzcuz. 2012 nienz, haiguh le hong diuyenz hoizguh、 loegguh caeuq cuengqok cezmuz gvangjbo densi vah minzcuz daengx gih, caemhcaiq aeu neix guh seizndei, cugyamq youq swcigih caeuq saujsu minzcuz dieg comzyouq hainduj、 dauqfuk hong cuengqok cez- muz gvangjbo densi vah minzcuz.

Ginggvaq gaenh song bi neix mboujduenh doidoengh caeuq haeuj- coengh, daengz 2015 nienzdaej, daengx gih gungh miz 29 aen yienh(si、gih) cuengqok danhvei gungh hailaeb 83 aen vah minzcuz cezmuz, cezmuz cuengqok soqmoeg beij 2013 nienz demmaj 40%, cezmuz cuengqok danhvei hix youz yienzlaiz mbouj daengz 10 aen, gyalai daengz seizneix miz 29 aen danhvei.

Dangqnaj, haicuengq vah minzcuz miz Vahcuengh(lai cihhi)、 Vahyauz、 Vahmyauz、 Vahdung、 Vahmulauj caeuq Vahmauznanz. 2015 nienz daengx gih vah minzcuz cezmuz cauxguh caeuq cuengqok soqmoeg faenbied daengz gvangjbo cezmuz 31 aen, daengx bi cuengqok 5039 diemj cung, densi cezmuz 52 aen, daengx bi cuengqok 4788 diemj cung.

“Cibsam haj”geizgan, Guengjsae yaek laebdaeb gaem ndei hong hoizguh、 loegguh caeuq cuengqok cezmuz gvangjbo densi vah saujsu minzcuz. Youq gij giekdaej seizneix, ceng’aeu saedyienh swcigih caeuq saujsu minzcuz dieg comzyouq cienzbouh cwgoemq cuengqok cezmuz gvangjbo densi vah saujsu minzcuz, caemhcaiq doidoengh gak dieg cezmuz gvangjbo densi vah minzcuz engqgya depgaenh vunzlai, youq soqliengh caeuq cizlieng cungj daezsang yienhda.

(Sung Vwnz/宋 文)