●5 nyied 18 hauh, Liujcouh Si Yungzanh Yen Gungh’anhgiz youq aen yienh neix Cangzanh Cin Cungsim Siujyoz banh gohgi haeuj hagdangz hozdung, hawj gyoengq hagseng yawj、 lumh gij canghbei gingjcaz yungh haenx, demlai gij yinxdaeuz gohgi, hagsib ancienz cihsiz.

(Danz Gaijhingh Dwng Lidingz)

●5 nyied 18 hauh, Dasinh Yen fangzsin ganghan cijveihbu lienzhab mizgven bumwnz, haiguh 2016 nienz fuengz raemx- dumh ciengjyiemj wngqgip yienjlienh nem Nungzmwnz Suijgu roenx ok fai ceihleix wngqgip yienjlienh, caenh- itbouh demgiengz gij fuengz raemxdumh ancienz yisiz vunzlai, cienzmienh daez- sang aendoih wngqgip ciengjyiemj gouqyiemj saed- hoenx naengzlig caeuq wngqgip gouqgip gunghcoz cungjdij suijbingz.

(Cinz Civanj)

●Gaenh geij bi neix daeuj, Lozcwngz Mulaujcuz Swciyen gaengawq gij loh- naemj “swnghdai laeb yienh, saekloeg hwngfat”, laeb gij hwngfat leixniemh “raemx saw bya heu couhdwg byagim bya’ngaenz”, youq gij giekdaej gyagiengz vanzging baujhoh caeuq hwnjguh, haenqrengz hengz- guh “lijyouz daiqdoengh” canloz、 haenqrengz hwngfat swnghdai canjnieb、 laeb- daeb gyahung swnghdai ceihleix, doidoengh Loz- cwngz ginghci swnghdaiva、 saekloegvaq, baujmaenh raemx saw bya heu ciengz- seiz youq.

(Vuz Danhhoz)

●5 nyied 19 hauh, Ginhsiu Yauzcuz Swciyen 2016 nienz cungh siuj- hagseng denzging yindungvei youq aen yienh neix Cizyez Gisuz Hagdangz haimuq. Daengx yienh 18 aen daibyaujdui gungh 221 boux yindungyenz yaek camgya buet、 diuqsang、 diuqgyae、 diuqcag daengj hanghmoeg doxdax.

(Vangz Siufung)