Gyauz Yiujgvangh boux suhgi daih’it caemhcaiq dwg boux suhgi Dangjveij Swcigih Guengjsae、Anh Bingzswngh、Couh Gvangjcunh geij boux dungzci neix caeuq Veiz Goz- cingh dungzci doengzsaeh lai bi, saemjdoeg gij cogauj daengx bonj saw neix liux daezok haujlai yigen coihgaij ndei. Gyauz Yiujgvangh dungzci lij sij Vah Haidaeuz hawj bonj saw neix.

Cau Vangzgangj、Vangz Sui- siengz、 Danz Ci’gyangz、 Dangh Gingsinh、Cinh Cungminz daengj dungzci hawj bouxraiz gij mbawsiengq gyoengqde bihaenx ingj.

Gij neiyungz goekdaej bonj saw neix dwg gij saeh youqgaenj Veiz Gozcingh youq Guengjsae guh hong, ciuq gonqlaeng seizgan daeuj raiz. Bi 1998 ndwen 9 yaenq ok “gij gauj camra yigen” le, soengq hawj 100 lai boux dungzci laux caeuq mizgven goengdaeuz saemjdoeg, ndaej daengz gyoengqde haemq simndat sonyinx caeuq dajheiq, daezhawj gij diuzgienh haemq ndei caenh’itbouh coihgaij. Bonj saw neix gizsaed dwg bonj saw daengxcungq caez sij.

Youq gizneix, gou gig gyo’mbaiq gyoengq aen danvih caeuq gyoengq boux dungzci dingjrengz caeuq bang- coengh gvaq bonj saw neix.

Aenvih gou suijbingz mizhanh, caemhcaiq caizliuh youh soucomz mbouj gaeuq caezcienz, ndaw saw nanzmienx miz gij giz lamq giz loeng, gingqcingj gyoengq bouxdoeg caeuq dungzci laux bihbingz vixdeng.

(sat)

□ Hoz Saubangj sij Cinz Siengzcouh Liuz Gingliuj Cinz Siengzgen hoiz