Vah Baihlaeng

Sij bonj saw neix, ndaej daengz Dangjveij Swcigih Guengjsae dingj- rengz caeuq bangcoengh gig lai. Bangunghdingh Dangjveij Swcigih Guengjsae guh le haujlai hong hawj bonj saw neix. Dang’an’gvanj Swcigih Bouxcuengh Guengjsae vih dou ra dang’an swhliu hix hawj le haujlai fuengbienh.

Boux cangzveij Dangjveij Swcigih、boux misuhcangj、boux yaucangj Dangjyau Swcigih Liuz Yiswngh dwg boux guvwn bonj saw neix, Veiz Gozcingh cawjguenj Guengjsae seiz, de ciengzgeiz guh boux cujyin Bangunghdingh Dangjveij Swcigih、boux misuhcangj Dangjveij Swcigih, doiq cingzgvang gig sug. Ngvanh caeuq sij bonj saw neix daj goek daengz byai, Liuz Yiswngh dungzci cungj bang ngeixyaeng caeuq okmaeuz, caenndang camgya caijfangj mbangj vunz roxsaeh, bang sonyinx caeuq coihgaij moix cieng saw, caemhcaiq lai baez youq Namzningz、Baekging cujciz gij hoihngeixlwnh naenghdamz fueng’anq gvaengzgyaq sij saw caeuq cogauj daengx bonj saw neix, vih bonj saw neix ndaej okbanj ok liux haujlai lwedhanh.

Bouxraiz gaxgonq gag bae gij mizgven digih、si、yienh Guengjsae caeuq Baekging、Gvangjcouh、Cij- namz、 Yenhdaiz、 Daiyenz daengj dieg, caijfangj haujlai dungzci laux caeuq vunz bihaenx youq Veiz Gozcingh dungzci dazyinx lajde guh hong, gyonj miz 300 lai vunz. Gyoengqde ngeixdauq haujlai saeh- saed bonjfaenh caeuq Veiz dungzci baedauq, mbangj dungzci vanzlij soengq gij swhliu、mbawsiengq swhgeij gag yo hawj bouxraiz.

Mehyah Gozcingh dungzci Hij Gizgen dungzci gig gvansim caeuq cihciz bonj saw neix sij ndaej baenzlawz, hawj bouxraiz haujlai swhliu dijbauj.

(caengz sat)