Vih cienzmienh dwk ndei cingcinj bangcoengh gunghgenhcan, Ginhsiu gig yawjnaek hong lijyouz bangcoengh, mboujduenh gya’gvangq lohnaemj, gaenxmaenx yungh banhfap ndei, doidoengh lijyouz bangcoengh haeujlaeg haiguh.

It dwg haenqrengz hwngfat laj- mbanj lijyouz. Gaenjmaed giethab “bak leix Mbanjyauz fungcingz ranzveh” hanghmoeg hwnjguh, cungfaen fatok henzloh caeuq henzgyawj mbanj gingj- saek daegsaek、 minzsuz daegsaek、 canjnieb daegsaek daengj gijndei swhyenz, ndaw bi cungdenj doicaenh Bingzdau、 Dalingj、 Lozyin daengj lij- youz mbanjguhyiengh hwnjguh, doeng- gvaq guhyiengh daiqdaeuz cozyung, caenh’itbouh doicaenh hong lijyouz bangcoengh haeujlaeg haiguh.

Ngeih dwg cingjhab swhyenz、 doengzcaez doicaenh. Cingjhab gak bumwnz swhyenz, gaenxmaenx doxhwnj ceng’aeu ngaenzcienz, doiq gak mbanj Yauzcuz haeujcoengh hanghmoeg caeuq ngaenzcienz, bangcoengh gyoengqde dwk ndei roenloh lajmbanj、 cingjceih vanzging aenmbanj、 coih ndei baujhoh ranz gaeuq daengj; gaenxmaenx damqra dohyenzva roengzbonj fuengsik guh haifat hwnjguh, aeu cwngfuj haeuj- coengh caeuq vunzlai gag bued roengz giethab hwnjdaeuj, gaenxmaenx gujli caeuq sonyinx ngaenzcienz ndawbiengz lailai camgya haifat, mboujduenh gyahung lajmbanj lijyouz hanghmoeg cauhsangh ligdoh, bangcoengh gij lajmbanj lijyouz haifat hanghmoeg binjcaet sang、 daengjgaep sang haenx, doicaenh lijyouz bangcoengh yiengq caengzmienh sang hwngfat.

Sam dwg gujli vunzlai gaenxmaenx camgya lijyouz hozdung. Caenh’itbouh sonyinx dangdieg vunzlai yungh ndei gijndei minzsuz lijyouz swhyenz, cujciz haiguh ndei baenzdauq minzsuz yienj- heiq hozdung, gaenxmaenx hwngfat daegsaek nungzgyahloz lijyouz hangh- moeg, dajcaux daegsaek minzsuz lijyouz fugsaeh binjbaiz, gyalai dangdieg vunzlai souhaeuj, bangcoengh dangdieg vunzlai vutgungz baenzfouq.

Seiq dwg coicaenh lijyouz bang- coengh couhnieb. Doenggvaq moix geiqdoh banh lijyouz bangcoengh couhnieb ciendaez hoihciuvunz, lijyouz canjnieb gunghswh yienhciengz ciu vunz, daezhawj couhnieb gangjvei, aeu daegsaek lijyouz fugsaeh canjnieb caeuq bangcoengh couhnieb guhhong dox giethab hwnjdaeuj, mizyauq doicaenh hong bangcoengh caeuq lijyouz canjnieb hwngfat.(Veiz Yinbinh/韦运斌)