●5 nyied 6 hauh, Namzningz Si Minzveij ciuhai “song hag it guh” hagsib gyauyuz gunghcoz hoih- naenghdamz nem daih’it ciendaez hagsib yenzdaujvei, aen si neix minzveij daengx- cungq ganbu camgya haihoih. Gwnz hoih, aen si neix minzveij dangjcuj suhgi、 cujyin Suh Cigangh lwnh- naeuz le gij cingsaenz daengx si “song hag it guh” hagsib gyauyuz gunghcoz hoih- naenghdamz, caemhcaiq doiq aen si neix minzveij haiguh “song hag it guh” hagsib gyauyuz hozdung guh dungyenz.

(Luz Genyij)

●5 nyied 4 hauh, Ningzmingz Yen Yinzminz Vujcanghbu ciucomz 13 aen yanghcin 20 boux vujcanghbu bucangj、 conhciz vujcangh gansw ngamq hwnjnyaemh haenx guh yezvu beizyin, beizyin ngoenz ndeu. Doeng- gvaq beizyin, bangcoengh conhvuj ganbu vaiqdi sugrox hong vujcangh, daezsang yezvu naengzlig, demgiengz gyaez bing yizsi.

(Couh Yizgangh Yenz Siyinh)

●5 nyied 5 hauh, bouxndaemcaz youq Cauh- bingz Yen Byadanaujsanh Swnghdai Suencaz mbaet caz. Seizciet laebhah, Cauhbingz Yen 19 fanh lai moux suencaz laebdaeb baenz mbaet, moix ngoenz cungj miz fanh lai boux bouxndaemcaz hwnj bya mbaet caz.

(Liuz Feih Cinz Gen)

●5 nyied 4 hauh, Lozyez Yen youq Yen Daih’it Cogaep Cunghyoz banh canghfwen ndawhag doxdax, 40 boux hagseng daj daengx yienh cunghyoz daeuj haenx caemhdaiz doxdax, yungh yaemgo ciengq ok siengj- muengh bonjfaenh. Baez doxdax neix muzdiz dwg fungfouq rogdangz seizhoengq vwnzva saedceij hagseng, vih hagseng dap aen bingzdaiz baijyienj bonjfaenh ndeu, doengzseiz coicaenh daengx yienh hagdangz gungcingh- donz vwnzva hwnjguh.

(Vangz Yizsui)