De genhciz gij cidu doxcomz minzcuj aendangj raeuz, gig rox dingq gak cungj mbouj doengz yigen, comz dungxcaiz daengxcungq, sup yigen mizleih. De nyinhcaen dingq gij vunz baij okbae guh diucaz ngeixyaeng dauqma guh gyoeblwnh, bungq daengz gij vwndiz doxceng le, cungj dwg gujli gak fueng gangj yigen liux bae. Doiq gezcwz gij saeh hungloet, de cungj dwg ginggvaq ngeixyaeng diucaz, fanfuk caeuq gij goengdaeuz、cangh- hag mizgven bumwnz doxyaeng, doenggvaq hai hoih yaenglwnh gvaq le, cij guh ok gietdingh, cij bae hengzguh.

De gaenx hag maij hag, genhciz caeu seizgan bae doeg gij saw Maj-Lez caeuq Mauz Cwzdungh, hag gij cwngcwz fuengcim dangj caeuq gij cihsiz vwnzva gohyoz, caemhcaiq hawsim yiengq gij vunzcaixhangz cingjgyauq. De mbouj guh faenzcieng biujmienh, gingqcungh saedguh, ciuq saehsaed guh hong, gyangjgiu saedyauq. Mbouj gangj cixbah, gangj le couh aeu guh, guh couh yaek guh ndaej ok cingzcik daeuj. Danhfanz gij yinvu de caenndang baijbouh, cungj dwg lai baez genjcaz、dukcoi, baez gaemh couh gaemh daengz daej bae.

De sim ndeu vih goeng, guhhak seuqcingh, gangj yenzcwz, gangj daengxbuenz, hozraez aekgvangq, gvanghmingz cingbai, fouz sei caemh- caiq hix mbouj lau maz, baenzciuh cingqheiq. De dwgrengz bujsu, giemhaw siujsim, hozswnh doiq vunz, itcig baujciz gij bonjsaek lwgminz guh hong. De lauxsaed dangqmaz, najmienh caeuq ndawsim doxdoengz, banhsaeh goengdauh, binjdwz gauh- sang.

De daiqdaeuz guhyiengh souj gij gijliz cujciz dangj raeuz, yiemzgek guenjleix bonjfaenh, mbouj yungh gij soujduenh loeng bae maeuz mingz- daeuz, mbouj ceng gaiqndaej roxnaeuz gaiqsaet, gamj gag bihbingz bonjfaenh, genhciz caenleix, coihcingq loengloek. Youq gij diuzgen haemzhoj fukcab lajde, rox nyaenxnyiengh goq daengz daengxbuenz, , rapdawz hong naek.

Ginggvaq youq Guengjsae guh hong sizcenj caeuq gaujniemh ndaej 20 bi le, Veiz Gozcingh cugbouh youz boux canghbingsaeh bienqbaenz boux canghcwngci, youz boux goengdaeuz deihfueng bienqbaenz boux goeng- daeuz dangj caeuq guekgya. De guh gvaq boux veijyenz Cunghyangh gaiq daih 8、9、10、11、12, boux veijyenz Cwngcigiz Cunghyangh gaiq 10、11、12, boux fuveijyenzcangj Hoihhung Daibyauj Lwgminz Daengx Guek gaiq 4、5、6、7, boux fucujsiz Cwnghez Daengx Guek gaiq 4、5.

dwg boux vunz- haidaeuz caeuq boux vunzhwnjgiek hwnjguh yendaiva seveicujyi Guengj- sae, de youq mingzmuengh gig sang, ganbu caeuq vunzlai cungj gig gyaez de. Gij goenglauz ronghsagsag de ciengxlwenx gaek youq ndawsim vunzlai gak cuz Guengjsae, lizsij ciengxlwenx geiq ndaej de. Gij cingzcauh gauhsang caeuq gij binjdwz maenhndei de, ciuhlwg ciuhlan yaek ciengxlwenx gingqboiq caeuq hagsib.

(caengz sat)