Danghnaeuz mwngz guh ndaej deng,

Mbouj aeu cenglwnh daiqlai,

Guh vunz yaek youxyawz, yienghneix doeklaeng cij ndei raennaj;

Danghnaeuz mwngz guh ndaej oksaek,

Mbouj aeu dauqcawq bae angj,

Bouxwnq yaek youq mwngz daekeiqfwngfwng seiz lizgyae mwngz;

Danghnaeuz mwngz gig nanzgvaq,

Mbouj aeu bungq daengz byawz couh geqhaemz,

Bouxboux cungj miz youcaeuz, hozbiet gizgiz bae bok baksieng;

Danghnaeuz mwngz gig hunzgyoenx,

Couh laeglemx dwk youq ndaw caemrwd muzlienh swhgeij,

Moix boux vunz cungj dwg gyaxgedged dwk daeuj daengz gwnzbiengz.

Guh daengngoenz swhgeij,

Mbouj yungh ciq ronghgywg bouxwnq,

Guh ndei cawjgiek sengmingh swhgeij,

Mbouj yungh daengz seiqgyaq byawz bae guh yenjyenz linhseiz.

Boux vunz he guh ndei swhgeij liux,

Cij ndaej yungh yienghceij ceiq ndei bae najdoiq doiqfueng,

Danghnaeuz mwngz laeglemx haiswd,

Duzmbaj gag rox daeuj.