Miz ngoenz ndeu, miz goeng- geq he bae ndawsingz gai mauh, aenvih mbwn hwngq, ndigah goenggeq youq henz gofaex ninz- ndaek lo, de loqraen swhgeij yungh gij cienz de gai mauh ndaej haenx cawx ndaej duz bya hung ndeu.

Goenggeq ndiu lo, raen gij mauh swhgeij mbouj raen lo, goenggeq ra bae ra dauq, doek- laeng yawj coh baihgwnz, o! Laxlawz gwnz faex miz gyoengq lingz ndeu dawz gij mauh goenggeq bae lo.

Goenggeq couh cam gyoengq lingz aeu mauh de, mwh goenggeq iet song fwngz heuh: “Boiz mauh gou daeuj!” Hoeng duzlingz hix iet song fwngz heuh: “Boiz mauh gou daeuj!” Goenggeq youh song fwngz gaem gienz gouz duzlingz, duzlingz hix gaem gienz gouz goenggeq. Goenggeq gip lo, couh duet aenmauh gwnz gyaeuj gaeu gyaeuj naeuz:“Baenzlawz guh ne?” Duzlingz hix duet mauh naeuz: “Baenzlawz guh ne?”

Seizhaenx, goenggeq rox lo, duzlingz dwg hag gij yiengh de, de couh dawz aenmauh vut roengz ndaw swx bae, doeklaeng duzlingz hix vut aenmauh roeng swx bae lo.

Goenggeq bae gai mauh lo, mwh byaij goenggeq doiq duz- lingz naeuz:“Duzlingz caiqraen!” Gyoengq lingz hix naeuz: “Goeng- geq, caiqraen!”

(fouzmingz)