Daj iq daengz hung, raeuz cungj dwg youq fouzsoq baez daih’it ndaejdaengz gyauyuz caeuq daezsingj, youq fouzsoq baez daih’it menhmenh majhung.

Baez daih’it ndaej byaujyangz、baez daih’it deng bihbingz、baez daih’it youz- raemx……, hoeng ceiq sawj gou nanzlumz dwg baez daih’it deng fadndwn, moix baez siengj hwnj baez ginglig haenx, cungj sawj gou naj nding naj ndat.

Baez haenx, aenvih hwnjdangz gangj- vah, deng lauxsae dingqnyi lo. Lauxsae baez huj, couh fad gou ndwn youq naj gyangjdaiz, dangseiz gou roxnyinh swhgeij miz di mbouj miz naj raen vunz, mbouj rox geijlai hojsouh ha, hix mbouj rox baenzlawz ngaiz daengz roengzdangz.

Daengz seizneix gou lij geiq ndaej gig cingcuj, baez ginglig neix sawj gou gamjdaengz gig najmong, sawj gou bienqbaenz boux hagseng souj gijliz, hwnjdangz nyinhcaen dingq gangj he, sawj gou ciemhciemh majhung.

(ngeih nienzgaep Lij Gingjyungz)