4 Nyied 27 hauh, Liujcouh Si “minzcuz doxgiet cinbu bak ciengz dasenhgyangj” baugauvei nem Sanhgangh “minzcuz doxgiet cinbu dasenhgyangj” hainduj yizsi, youq Sanhgyangh Dungcuz Swciyen Linzhih Cin Gvandung Cunh Mbanjgvanda banh.

Hozdung yienhciengz, senhgyangjyenz gangj gij gojgaeq minzcuz doxgiet cinbu mozfan denjhingz fatseng youq henz ndang swhgeij haenx, yiengq vunzlai Mbanjdung cienzndenq le naengzliengh ndei. Senhconz minzcuz doxgiet cinbu, giengzvaq le gij ndawbiengz yaugoj senhgyangj. Hozdung lij doenggvaq fat minzcuz doxgiet senhconz swhliu、 venj senhconz byauhyij daengj lai cungj hingzsik, caenh’itbouh dajcaux gij heiqfaenh ndei minzcuz doxgiet cinbu.(Yangz Cunhmou/杨春茂)