4 nyied doxdaeuj, Cingsih Si hopheux aen cawjdaez “doxgiet haenqguh coi yathamj, huzndei hwngfat haeuj siujgangh”, gvangq- langh haiguh ndwen senhconz minzcuz doxgiet cinbu hozdung, youq yienhsingz banh “sam nyied sam Bouxcuengh” conzdungj ciet fwen, doengzseiz, cujciz gak yanghcin、 gak danhvei venj vengzfuk、 byauhyij, banh conzdungj hawfwen minzcuz vwnzyi yienjok caeuq minzsuz ndawbiengz vwnzdij hozdung, yiengq guengjdaih beksingq senhconz gij cingsaenz aen hoih hong minzcuz daengx guek caeuq minzcuz lijlun cwngcwz nem faplwd fapgvi, caenh’itbouh gyagiengz beksingq fazci gvanhnen, gyagiengz minzcuz doxgiet yisiz, daezsang hag fap yungh fap souj fap sw- gyozsing, mizyauq doidoengh ndawbiengz fazci hwnjguh. Hozdung geizgan, gungh fat bonjsenhconz 30000 lai bonj, mbawsenhconz 30000 lai mbaw, doiq guengjdaih beksingq henzguek mizik, aeundaej yaugoj gig ndei.

(Maj Lanzyingh/马兰英)