Ranz gou miz haujlai haujlai haigven.

Sing “biba” ndeu, gou hai aen haigven douzyingjyiz, yienz- bonj mbawmuq hausag haenx sikhaek couh yienh’ok dozanq gak saek gak yiengh.

“Biba”, gou hai aen haigven daeng’venj, ndaw ranz sikhaek ronghsagsag.

“Biba”, gou youh hai aen haigven souhyinhgih, henz rwz sikhaek cienz daeuj sing bauq sinhvwnz.

……

Haigven caen dwg aen dox- gaiq saenzgeiz he!

Gou maqmuengh batva naj cueng miz aen haigven ndeu, danghnaeuz bouxcawj lumz rwed raemx, cijaeu sing “biba” ndeu, batva couh rox byoq raemx okdaeuj rwed gova.

Gou maqmuengh ndaundeiq miz aen haigven ndeu, danghnaeuz doenghduz ndaw ndoengfaex yawj mbouj raen loh ma ranz, cijaeu sing “biba” ndeu, ndaw ndoengfaex couh miz rongh ciuq.

Gou maqmuengh daeng- ngoenz hix miz aen haigven ndeu, danghnaeuz cungj didi dada doek fwn mbouj dingz, cijaeu sing “biba” ndeu, mbwn couh gvengq lo.

Gou lij maqmuengh daeg- nuengx、daxmeh、daxboh gak miz aen haigven ndeu. Mwh daeg- nuengx fatheiq daej mbouj dingz, cijaeu sing “biba” ndeu, de couh daj daej bienq riu; mwh daxmeh nyaengq bae nyaengq dauq, cijaeu sing “biba” ndeu, de couh guh ndaej swnhswnh dangqdangq; mwh daxboh guh hong naetnaiq ma daengz ranz, cijaeu sing “biba” ndeu, de couh daengx ndang soengswt lo.

Gou maqmuengh gyoengq- vunz bouxboux cungj miz aen haigven ndeu, cijaeu sing “biba” ndeu, nyienhmuengh couh ndaej saedyienh.

(ngeih nienzgaep Cwng Luya)